Psikologoa eta psikomotrizitatean aditua da Juanjo Quintela. Haur txikien heziketak arduratzen dio, hortaz, haur txikien gurasoei zuzendutako hitzaldia emango du, bihar, Orioko Salatxo aretoan. Arratsaldeko 17:00etan izango da eta 19:30ak arte luzatuko da.
Motrizitate globalaren garapena izango du hitzaldiaren hizpide. Bernardito ya se sienta solo titulupean jaiotzetik oinezko trebetasuna lortu arteko bidea azalduko du Quintelak. Bera euskaldun berria da, baina hitzaldia euskaraz ematen ahaleginduko da. Antolatzaileak haur eskolako guraso batzordekoak dira.