Orioko informazio zehatza ematen du GeoOrio, Udalak egin duen webgune berriak. Bertan, mapa baten bitartez, udal-lurraldearen geoinformazioa aurki dezake erabiltzaileak.
Atal desberdinetan banatua dago. Batetik gida praktikoa aurki daiteke, udal zerbitzu eta ekipamenduekin. Aisialdiarekin loturiko informazioa ere biltzen du webguneak: zer egin, zer bisitatu, non jan, non hartu ostatu... Merkataritza gida zabala ere aurki daiteke, saltoki, zerbitzu profesional eta industriekin.
Mapan bertan, hainbat kapa aktibatu daitezke: kale izendegia –kaleak, atariak, auzoak eta bidegorriak–, toponimia –aurkikuntzak, eraikinak, tontorrak eta abar–, katastroa, irudiak, trafikoa...
Webgunea: www.geoorio.com