Imanol Garmendia eta Ander Zabalari egindako harreran alboan zituzten. Lehenago ere, Orioko hainbat arraunlarik herrian nola egiten den arraun erakutsi zuten munduaren aurrean: 1979an munduko txapeldun izan ziren.
Jugoslaviako, gaur egungo Esloveniako Bled lakua izan zen txapelketaren lekuko eta, besteak beste, Orio AEko bost arraunlarik osatu zuten zortziko ontzi txapelduna: Dionisio Redondok, Javier Puertas, Andoni Elizalde, Fernando Climet eta Pello Olasagasti.
Astebete geroago, laku berean, Pello Olasagastik lemazaindun laukoarekin bosgarren postua lortu zuen absolutu mailako munduko txapelketan
Suitzako emakume bat, Regula Catrina Hug, izan zen aspaldiko garaipenaren lekuko; eta bere kamerarekin betikotu zituen momentu izugarriak. Karkarara iritsi dira aste honetan, Joxemari Olasagastiren bidez.