Aiako probalekua Gipuzkoako Taldekako Giza Proben lekuko izango zen larunbatean. Azkenengo kanporaketa jokatu zen Berrobi, Urola eta Tarina taldeen artean 950 harriarekin eta 20 minutuko epearekin.
Berrobik irabazi zuen hirugarren eta azken kanporaketa 55 plaza eta 1.82 metrorekin. Atzetik Tarina 53 plaza eta 0.5 metrorekin eta azkenik Urola garaia 51 plaza eta 1.27 metrorekin.
Amaitu ziren larunbatekoarekin kanporaketa guztiak, eta lau talde sailkatu dira finalerako: Berrobi, Urola Garaia, Itziar eta Orio. Oriotarrak, hortaz, abuztuaren 3ko finala jokatuko dute. Hau ere Aiako probalekuan izango da, 18:00etan.