Berria taldea etorkizunean ere euskarazko kazeta izateko eta erronka
berriei aurre egin ahal izateko dirua biltzen ari da Zure ziztada behar dugu proiektuarekin. Egitasmo honen helburua da herriz
herri eta sektorez sektore hedatzea proiektuari eusten lagunduko
dioten herritar sare zabala osatzeko.
Orion ahalik eta ziztada gehien lortzeko asmoz otsailaren 27an, astelehenean, bilera izango da, Kultur Etxean, 19:30ean. Bileraren helburu nagusia da herrian sare txiki bat osatzea da eta hortik abiatuta, pixkanaka sare hori handitzen joatea mezua Orioko txoko guztietara iristea ahalbideratzeko. Behin mezua zabaldu ondoren, bakoitzak ikusiko du zenbateraino lagundu dezaken, inolako konpromisorik gabe, diote proiektuaren bultzatzaileek. Hortaz, egitasmoarekin bat egiteko dauden herritarrak gonbidatu nahi dituzte bilerara.