Mandalara taldeak hitzaldia eta ikastaroa antolatu ditu datozen egunetarako. Lehenengo, numerologia ikastaroa aurkezteko hitzaldia izango da ostiralean, apirilaren 13an, 19:00etan, Kultur Etxean. Horrela, numerologiara hurbiltzeko oinarrizko kontzeptuak emango dituzte, norberaren burua ezagutzeko bide bat dela esaten baitute.
Bestalde, apirilaren 14 eta 15erako Chikung CFQ tailerra antolatu dute. Saioak 09:00etatik 14:30era bitartean izango dira Kultur Etxean. Alex Arellanoren eskutik jasoko dituzte gai honen inguruko jakin beharrekoak eta honakoak izango dira landuko dituzten gaiak:
- Chikung CFQren oinarrizko ezagutzak.
- Hexagramaren zazpi mugimenduak.
- Mugimendu osagarriak.
- Energia fluxuak esperimentatzea.
- Blokeoak antzeman eta kanporatzea.
- CFQ sendatze modura sarrera.
- Chiaren nahi gabeko fluxua esperimentatzea.
Mandalara taldekoek azaldu dutenaren arabera, Chikung CFQ mugimenduak gaixotasunak edo ebakuntza ostekoak sendatzeko dira baliagarriak. Bestalde, honako gaitzen minak arintzeko ere erabil daitezke: estresa; antsietatea; nekea; loezina; depresioa; diabetesa; artritisa; bihotzeko gaitzak; zorabioak; bertigoak; migrainak, hilerokoaren, gernuaren eta giltzurrunetako desordena; ugalkortasun arazoak; menopausia; loditasuna; hezueria; erditze osteko depresioa; pisu arazoak; indigestio; bizkarreko min; ziatika; hipertentsioa; infekzio kronikoak; oroimena galtzea; edo adinari dagozkion gaixotasunak.
Ikastarorako izena emateko honako telefono zenbakira deitu behar da: 648 487 489 –Amaia–