Igandean izan zen Txakolin eguna Aian eta antolatzaileek eta parte hartzaileek eguraldia lagun izan ez bazuten ere, oso ondo joan zela esan dute. Antolatzaileona ez ezik hori izan da iritzi orokorra, bai txakolin upategietakoena baita gerturatu zen jendearena ere, esan du Igor Iturain alkateak.
Txakolin kopa dezente saldu ziren. Alkatearen esanetan, Upategi batzuetako txakolina, urtero bezala batzuk agortu egin zen, hala ere, izan ziren gutxiago banatu zutenak, baina kontutan izan behar da iaz 20 upategi izan zirela eta aurten 24.
Bestalde, bi txahal –bien artean 400 kilo– erre eta osorik jan zituzten, beraz, gutxi gorabehera 1.300 pintxo banatu zituzten. Beraz, gustura gaude emaitzarekin eta jatetxeetakoak ere bai, bazkal orduan bete-beteta egon baitziren, dio Iturainek.