Aian jokatuko da aurten Gipuzkoako XVIII. Klasika Oriotarrak taldeak eta Aiako Kirol Elkarteak antolatuta.
Jubenil mailako gizonezkoek 103 kilometroko ibilaldia egin beharko dute. Proba 11:00etan hasiko da Aian eta Zudugarain barrena Zarautzera joango dira, handik Getariara, Zumaiara, Zestoara eta Aizarnazabalera. Ondoren, Bedua ingustriagunetik Zumaiara bueltatu eta Getariatik berriz Zumaiara.
Aiara hiru aldiz igoko dira Santio Errekatik eta igoerak puntuagarriak izango dira mendiko sarirako. Igoera aurretik Santio Errekatik bi aldiz pasatuko dira eta tarteko helmuga ere puntuatuko dute.
Beraz, txirrindulariak ikusteko aukera izango da igandean Aiako eta inguruko errepideetan.