Zaragueta Herri Eskolako mendizaleak asteburu pasa joango dira, maiatzaren 12 eta 13an, Hondarribiko Aterpetxera, Guraso Elkarteko Mendi Taldearen eskutik. Ikasleek eta gurasoek bi eguneko egonaldia egingo dute. Larunbat goizean Iparraldean ibiliko dira eta Pirinioetako lehen mendia igoko dute, Xoldokogaina, handik Iparraldeko kosta eta Txingudi badiaren ikuspegi ederraz gozatuz. Ondoren, Biriatun bazkaldu eta Hondarribiko aterpetxera joko dute. Herrian eta hondartzan ibili ondoren, aterpean afalduko dute. Igandean, berriz, goizean, Hondarribitik Pasaia aldera doan kosta-bidean ibiliko dira.
Antolatzaileen esanetan ikasturte honetako irteerek harrera
ona izan dute; 30 lagun ibili dira batez beste. Lehenengo
irteeran Kukuarrira joan ziren eta, ondoren, Pagoetako natur parkea, Aiako
Harriak, Urdaburu, Onddi eta
Pasaia-Donostia kosta-bidea pasa dituzte.
Ikasle eta gurasoei ez ezik antolatzaileek, gonbitea egin nahi diete Xoldokogaina mendira haiekin
batera joan nahi duten herritarrei. Horretarako, Zaragueta Herri Eskolan elkartuko dira, larunbatean 09:45ean.