Apirileko etenaren ondoren, hileroko ohiko bilkura izango da maiatzaren 31n, ostegunean, 20:00etan Orioko udaletxeko udalbatzarraren aretoan. Batzarrean honako gaiak aztertuko dituzte:
1.- Lehen onarpena ematea, egoki bada, 2/2012 kreditua aldatzeko espedienteari.
2.- Lehen onarpena ematea, egoki bada, 3/2012 kreditua aldatzeko espedienteari.
3.- Onartzea, egoki bada, Orioko kultur etxeko atezain lanpostuaren lanaldia aldatzea.
4.- Onartzea, egoki bada, Orioko Arraunketa Elkartea kirol taldeari diru laguntza ematea, hitzarmen arautzaile baten bitartez.
5.- Lehen onarpena ematea, egoki bada, animaliak edukitzea eta babestea arautzen duen udal ordenantzari.
6.- Adjudikatzea, egoki bada, Orioko Arraunketako eta Piraguismoko teknifikazio-zentroaren horniduraren lehiaketa bidezko kontratazioa: altzari komertzialak eta aldagelak.
7.- Adjudikatzea, egoki bada, Orioko Arraunketako eta Piraguismoko teknifikazio-zentroaren horniduraren lehiaketa bidezko kontratazioa: gimnasiarako makinak, ergometroak, errendimendu handirako teknologiak eta hipoxia sistema intermitentea.
8.- Izendatzea, egoki bada, Udalaren laugarren ordezkaria Udalerri Euskaldunen Mankomunitaterako (UEMA), karguari uko egin zion Jokin Izagirre Zabala ordezkatzeko.
9.- Onartzea, egoki bada, Orioko Udalaren eta Karkara taldea kultur elkartearen arteko lankidetza hitzarmena sinatzea, eta alkateari ahalmena ematea hitzarmen hori sinatzeko Orioko Udalaren izenean.
10.- Onartzea, egoki bada, EAJ talde politikoak aurkeztu duen Orioko Udalaren barne araudia betetzeari buruzko mozioa.
11.- Onartzea, egoki bada, Egoitz Eizagirre Adurizek, Orioko Herriraren izenean, aurkeztu duen euskal presoei buruzko mozioa.
12.- Eskariak eta galderak.