Camargoko Udaleko XXII. Bandera irabazi zuen larunbatean Orio Ak KAE 1 ligan eskuratu duen laugarren garaipena izanik nagusi da bigarren mailan. Kantabriako uretan jokatutako banderan, Mirotzak (20:19,57) 19 segundoko aldea atera zion Santurtziri (20:38, 26), eta 24koa Lekittarrari (20:43,80). Oriok 48 puntu bildu ditu dagoeneko KAE 1 ligan eta atzetik ditu Santurtzi 42rekin eta Busturialdea-Elantxobe 40rekin.
Orio B taldeak etxean zuen hitzordua, Bisiguaren bandera lortzeko lehian. Herritarren animoak asko izan ziren arren Trintxerperekin lehia estua izan ondoren haiek izan ziren nagusi bi segundo eskaseko aldearekin. Estropada irabazteko lehia ez ezik sailkapen orokorreko lehen postua zeinek hartu zegoen lehian eta azken luzean erabaki ziren biak. Trintxerpek 76 puntu ditu sailkapen orokorrean eta Orio B dago honen atzetik 74 punturekin, ondoren Donostiarra B 59 puntu dituela.
Hurrengo asteburuan ere hainbat hitzordu izango dira Orioko traineruentzako.
KAE 1
-
Uztailak 28, Getariako III. Estropada 17:30ean
-
Uztailak 29, El Correo Ikurriña-BBK saria, Lekeition 12:00etan
KAE 2
-
Uztailak 29, Algortako Portuzarreko Ikurriña, Getxon 12:00etan
TKE emakumezkoak
-
Uztailak 28, Gipuzkoa Ligako IV. jardunaldia, Pasai Donibanen 18:00etako TKEko gizonezkoen estropadaren aurretik