Orioko Futbol Taldekoak hasita daude dagoeneko beren entrenamenduekin. Kadete, jubenil eta nagusiak egun batzuk daramatzate Mendibeltzen lanean.
Infantilen taldeak osatzeko ahaleginetan, bihar, larunbata, abuztuaren 25a, goizeko 10:00etan jarri dute hitzordua Orioko Futbol Taldekoek. Zitara, 1999 eta 2000. urteetan jaiotako gaztetxoak daude deituta. Futbolean jokatzeko gogoa izatearekin nahikoa dute gaztetxoenek.
Azkenik, aipatu seniorren taldeko entrenatzailea ez dela Jaime Colado izango aurten, eta haren tokia Josu Solaberrietak beteko du.