Urtero, Kontxako estropaden inguruan, arraun mundua islatzen duten argazkiak jartzen ditu ikusgai Ana Egibarrek Salatxo Tabernan. Aurten ere, erakusketatxoa osatu du, arraun-elkartekoen eskutik. Argazki estetiko eta ederretatik aldenduz, arraun elkartearen jarduera geldiezina erakutsi nahi izan dute. Aurtengo garaipen sorta handia ardatz hartuz, ontzi eta modalitate guztietako momentu onak erakusten dituzte argazkiek.