Gerturatzen ari dira aurtengo sanikolasak eta antolaketa lanak martxan jarri nahi ditu Orioko Udalak. Horretarako, festa batzordea deitu dute datorren astelehenerako, urriaren 8rako. Arratsaldeko 18:00etan izango da hitzordua, ohitura denez, Kultur Etxean.
Festa batzordeburuak, Jon Agirresarobek esan duenez, herritar guztiak gonbidatuta daude beren ekarpenak egitera mahaiaren bueltan. Geroz eta ekarpen gehiago egin, orduan eta festa aberatsagoak osatu daitezke-eta.
Abenduaren 5ean hasiko dira aurtengo sanikolasak eta sorpresa bat baino gehiago ari dira prestatzen jaietarako.