Europako Sindikatuen Konfederazioak (CES) Ekintza eta elkartasunerako eguna deitu du azaroaren 14rako. Murrizketa neurriei aurre egitea da oinarrizko helburua eta horren harira greba orokorrerako deialdia ere egin dute zenbait sindikatuk eta gizarte eragilek. CCOO eta UGT sindikatuek bat egin dute greba deialdiarekin eta ELA, LAB eta STEE-EILASek, ordea, ez.
Greba deialdiak besteak beste garraio zerbitzuetan izango du eragina. Euskotrenek jakinarazi du greba egunerako trenen eta autobusen lanegunetako ohiko zerbitzuen %30eko gutxieneko zerbitzuak bermatuko eta eskainiko dituela.