Urtero bezala, sorosle ikastaroa antolatu du DYAk sorosle izan nahi duten edota lehen sorospenak emateko gaitasuna izan nahi duten guztientzat. Besteak beste, eguneroko osasun arrisku egoera nagusien aurrean –bihotz-biriken suspertzea, zauriak, hausturak, erredurak…– nola jokatu irakatsiko dute DYA Gipuzkoako Irakaskuntza Eskolako Medikuek, erizainek eta monitoreek.
Urtarrilaren 23an hasiko dira saioak eta otsailaren 15ean bukatuko. 100 euroren truke, 19:00etatik 21:00etara emango dituzte eskolak, astelehenetik ostiralera Zarauzko DYAko ordezkaritzan –Iturribidea, 12-14 behea–.
Interesa duenak 943 464 622 telefono zenbakira deituta edo hemen klikatuta eman beharko du izena.