Urola Kostako Udal Elkarteak eta eskualdeko Udaletako euskara zerbitzuek ikastaroa antolatuta, hika hizketan hasteko ikastaroa izango da urtarrilaren 24an hasita.
Hika hizketan hasi nahi dutenentzat dago zuzenduta, eta, horretarako, lehendabizi, ikastaro labur bat egingo dute parte-hartzaileek –10 orduko ikastaroa, bina orduko 5 saio–. Behin ikastaro labur hori eginda, mintza-lagun taldeak sortuko dira eta 4 astez –astean saio bat– hika aritzeko aukera izango dute.
Hala, konpromisoa eskatuko zaia parte-hartzaileei ikastaroa egin eta lau astez mintza-lagun taldeetan parte hartzeko.
Ikastaroa eta mintza-saioak Zarautzen egingo dira –Udal Euskaltegian–. Izena ematea, urtarrilaren 21a baino lehen egin beharko da, Urola Kostako AEKn –tel. 943 130 175, urolakosta@aek.org– edo Urola Kostako Udal Elkartean –tel. 943 890 808, euskara@urolakosta.org–.
Egutegia
Ostegunetan, 2 orduz –10 guztira–
18:00etan edo 18:30ean hasita
Urtarrilak 24, 31 eta otsailak 7, 14 eta 21
Mintza-lagun taldeak
Lau astez, astean behin, 90 minutuz
Otsailaren 25etik martxoaren 22ra