87 urte zituela atzo hil zen Joxe Mari Salsamendi, erremontista izandakoa, Salsamendi III. izenez ezaguna pilotan.
1942. urteko urrian debutatu zuen profesional mailan Donostiako Urumea frontoian. 1944an Espainiako banakako lehen txapelketa jokatu zuen. Urumean aurreneko gelditu eta eta irailaren 28an jokatu zuen finala Abregoren kontra eta honek irabazi zion 35-32ko emaitzarekin. Hala ere, 1957an Erremonteko Espainiako Txapelketa irabazitakoa da. 1968ra arte jarraitu zuen erremontean jokatzen Madrileko Recoletos frontoian eta hango pilotaririk onenetakoa izan zen. Pilotan jokatzeari utzi ondoren, haren inguruan jarraitu zuen lanean, Galarreta frontoiari lotuta. 1995ean erretiroa hartu zuenean, omenaldia jaso zuen frontoi horretan bertan. Kirol Merezimenduaren Domina ere jasotakoa da.
Hileta elizkizuna gaur, asteazkena, izango da 19:30ean, Orioko San Nikolas elizan.