Oriotarren izaera bilduko duen material pedagogikoa osatu nahi du Orioko Curriculuma Sortzen taldeak. Orio 3ten 2.0 jardunaldietan aurkeztuko dute Orioko curriculuma sortzea helburu duen proiektua: apirilaren 16tik maiatzaren 4ra bitartean izango dira jardunaldien baitako hainbat ekitaldi: hitzaldiak, mahai-ingurua, zutabeen margoketak eta Porrotxen bisita.
Apirilaren 16, 19:00etan, Kultur Etxean
LOMCE Legea: aukerak eta arriskuak.
Mahai-ingurua: LOMCE Legea: aukerak eta arriskuak.
Parte-hartzaileak:
- Paul Bilbao (Kontseiluko idazkari nagusia)
- Mariam Bilbatua (Hezkuntza Zientziatan Doktorea)
- Ikoitz Arrese (Ikasle Abertzaleak-eko kidea)
- Ainhoa Larrabe (EHBEko ordezkaria)
Apirilaren 18an,19:00etan, Kultur Etxean
Gipuzkoaren jatorrian eta Orioko historian arakatzen.
Hitzaldia: Gipuzkoaren jatorrian eta Orioko historian arakatzen.
Hizlaria: Beñi Agirre (Nabarraldeko kidea eta euskara irakaslea)
Apirilaren 20an, 11:00etan, autopista azpian
Herri Curriculum-aren zutabeak margotzen
Herri Curriculum-aren zutabeak margotzen: autopista azpiko zutabeak margotzeko aukera izango da, auzolanean. Hamaiketakoa ere emango dute Orioko Curriculuma Sortzen taldeko kideek.
Apirilaren 23an, 19:00etan, Kultur Etxean
Zer da Orioko Curriculuma? Zergatik eta zertarako?
Hitzaldia: zer da Orioko Curriculuma? Zergatik eta zertarako?
Hizlariak: Orioko Curriculuma Sortzen taldeko kideak.
Apirilaren 25ean, 19:00etan, Kultur Etxean
Herri ezberdinetako esperientziak aztergai
Hitzaldia: herri ezberdinetako esperientziak aztergai.
Hizlariak:
- Aitor Ikastolako ordezkaria. Ikasle euskaldun eleanitzak sortzeko proiektua jarri dute martxan Donostiako Aitor Ikastolan.
- Larrabetzuko Herri Eskolako ordezkaria. Guraso elkarteak kudeatzen du Larrabetzuko eskolako jantokia.
- Usurbilgo ordezkaria: herritarrentzat hezkuntza eredu bateratu bat izateko prozesua abiatu dute Usurbilen.
Maiatzaren 4an, 11:00etan, Karela kiroldegian
Ijitoen akordioa eta Porrotxekin festa
Ijitoen akordioa: ijitoen akordioa sinatuko dute herriko hainbat talde eta norbanakok.
Porrotxekin festa: Porrotx pailazoa etorriko da festa alaitzera.