Camargo, Kantabrian, jokatu ziren igandean Espainiako Batel Txapelketako finalak eta ORIOk bi bandera lortu ditu aurtengoan: emakumezko infantil-kadete mailakoa eta gizonezko Kadete mailakoa.
Nesketan Mireia Uranga, Eider Zubelzu, Itxaso Azkonobieta, Leire Begiristain eta Ane Carrera –patroia– aritu ziren eta atzetik hurrenez hurren Astillero , bost segundora,Chapela,Vilaxoan, eta Hibaika.
Mutiletan, berriz, Mikel Uranga, Aritz Hernandez, Eneko Itsaso, Martxel Aldai eta Jon Arriola –patroia–. Hauek Vigo izan zuten atzetik sailkapenean sei segundora eta ondoren Robaleira, Hibaika eta Tolosaldea.
Gizonezko seniorrek B finala irabazi zuten eta beren mailako emaitza guztiak kontuan hartuta seigarren izan ziren.
Igandeko banderak kontuan hartuta Oriok 13 Espainiako txapelketa irabazi ditu guztira bateletan.
- Gizonezko seniorrak: 6 –1951; 1960; 1981; 1991; 1993; 1995–
- Gizonezko jubenilak: 3 –1991; 2002; 2006–
- Gizonezko kadeteak: 2 –2000; 2013–
- Gizonezko infantilak: 1 –1998–
- Emakumezko infantil-kadeteak: 1 –2013–
Bestalde, tostako arraunketan 38 Espainiako txapelketa ditu irabazita guztira: traineruetan 15; trainerilletan 8; bateletan 13; eta llagutetan 2.
Trainerillak
Igandean Gipuzkoako trainerillen ligako hirugarren jardunaldia ere izan zen jokoan eta emakumezkoen senior mailan Oriok lehenengo tokian amaitu zuen estropada 16:11,39 denborarekin, atzetik Hibaika A sailkatu zen 15 segundo eta 20 ehunenekora.
Gizonezko jubenilak seigarren izan ziren irabazlearengandik –San Pedro– 43 segundo eta 39 ehunenekora; eta gizonezko seniorrak hirugarren lehenengo postuko Hondarribiarengandik 4 segundo eta 83 ehunenekora.
Bestalde, ligatik kanpoko Gipuzkoako Federazio Kopan gizonezko seniorrak bosgarren izan ziren lehenengoarengandik –San Pedro B– 31 segundo eta 37 ehunenekora.