2013an eta 2012an jaiotako haurrak hartzeko matrikulatzeko epea zabalduko da Maria Maestra haurreskolan maiatzaren 2tik maiatzaren 13ra arte. Haurreskolako arduradunek adierazi dutenez, 39 umerentzako lekua dago momentuz: urtebete arteko 16 umerentzat; eta urtebete eta bi arteko 23 umerentzat.
Horrez gain, maiatzaren 2aren ondoren jaioko diren haurrak matrikulatzeko epeak ondorengoak izango dira:
- Maiatzaren 13a arteko epea izango dute maiatzaren 8ra arte jaiotzen direnek.
- ekainaren 11 arteko epea izango dute maiatzaren 9tik ekainaren 7ra artean jaiotakoek.
- Uztailaren 5a arteko epea izango dute ekainaren 8tik 30era artean jaiotakoek eta urrian edo azaroan hasi nahi dutenek .
Matrikula egiteko edota zalantzak argitzeko, Haurreskolara jo behar da, goizez, 9:30-11:00, eta arratsaldez, 15:00-16:00. Telefonoz ere –943 890 625 telefono zenbakira deituta– argituko dituzte dudak.
Ate-irekiak
Matrikulatzeko epea zabaltzearekin bat, Maria Maestra haurrekolako ateak ireki egingo dituzte gurasoei instalazioak erakutsi eta dituzten zalantzak argitzen laguntzeko. Maiatzaren 2a, osteguna, izango da horretarako eguna: 17:00etatik 18:00etara.