Pala txapelketa bukaerara iristen ari da eta ostiral honetan, ekainaren 14an, finalerdiak jokatuko dituzte iluntzeko 19:00etan hasita, Orioko pilotalekuan.
Antolatzaileek esan dutenez txapelketan maila ona izan da orain arteko norgehiagoketan. Lehenengo finalerdia Jagoba Solaberrieta - Juanjo Polo eta Urko Aldalur - Iosu Larrarte bikoteen artean jokatuko dute. Bigarren finalerdia, berriz, Unai Illarramendi - Ibon Berasaluze eta Xabier Murua - Iban Arruti bikoteen artekoa izango da.
Finalak, bestalde, datorren astebukaeran jokatuko dira. Pilota Elkartekoek herritarrak partidak ikustera gerturatzeko animatzen dituzte.