Igande honetarako, ekainaren 16rako, hitzaldi kantatu multimediaa antolatu du Aiako Udalak. Saioa eguerdiko 12:00etan hasiko da eta Kultur Etxean egingo dute.
Euskarazko musikaren transmisioa eta sustapena izango da gaia eta Mikel Markez eta Eñaut Elorrieta izango dira hizlariak eta kantariak.
Euskal
musikagintzaren mundua barrutik ezagutzen eta bizitzen dute Markezek eta Elorrietak, eta
ez soilik hitzez, kantuz ere islatuko dituzte: baga, iragana; biga, oraina eta higa, etorkizuneko erronkak eta aukerak.
Bost ataletan banatu dute euskal musikaren historia:
- 60ko hamarkadara artekoa
- 60ko eta 70eko hamarkadak
- 80ko hamarkada
- 90eko hamarkada
- 2000. urtetik gaur egunera artekoa
Bestetik,
hamarkaden arteko lotura egiteko musika euskarriak erabili
dituzte. Garai bakoitzean erabili den euskarriak informazio asko ematen
du aro bakoitzari buruz.
Horregatik, euskarririk gabeko garaietatik
hasi eta binilo-diskoen aroa –60-70. hamarkadak–, kaseteen aroa –80. hamarkada–,
CD-en aroa –90.a– eta MP3-en aroa –XXI. mendea–.
Emango duten
hitzaldia parte-hartzailea eta entretenigarria izateko asmoz antolatu dute, hizlariek pasioz bizi duten mundu horri begirada propioa
emateko eta ikus-entzuleekin partekatzeko.
Saioa doakoa izango da.