Jasone Irigoien, Agerresoro Txiki baserriko artista da, arte ederrak ikasia. Lizentziatu zenetik hainbat alorretan jardun du: margoa, eskultura, ilustrazioa, performancea,... Azken urteotan pinturako irakasle da, baita espresio tailerren gidari ere. Aiako Jauregi tabernan bere koadroekin osatutako Gaurko Ni-ak atzokoari erakusketa jarri du Irigoienek. Abuztua hasiera arte, sandonatoak arte, egongo da zabalik erakusketa.
Erakusketari buruz olerki bat ere idatzi du artista aiarrak:
Gogoratzen naiz zugan
begiotan zaitut
baina hain urrun era berean...
Atzo, herenegun,
oroimenaren hegoan
hain gertu sumatu zaitut
baina ezin ote zaitut ulertu ?
Eskuotan izan zintudan,
nire hatzetan bizi izan zinen
eta orain irudi hauei so natzaizu
keinuak errepikatu nahian
Nigan zara
hor nonbait,
atzokoa zinen zu
gaurkoa naiz ni
biharkoak gogoratuko al nau?
Abuztua hasiera arte izango da, beraz, Jasone Irigoienen erakusketa ikusteko aukera.