Ostegunero programaren baitako bigarren saioa izango da gaur, abuztuaren 8an, Orion. 19:30ean hasita, jaboizko burbuila erraldoiak egingo dituzte herriko plazan, bertaratzen diren umeen gozamenerako.
Azken urteotako ohiturari jarraituz, abuztuan ostegunero-ostegunero antolatzen dituzte umeentzako ekitaldiak gurean. Aurten, lau ikuskizun-emanaldi izango dira denera. Bost ostegun ditu hilabeteak aurten, baina abuztuaren 15a, Ama Birjinaren eguna, osteguna tokatzen bada ere, egun horretarako ez du Udalak ezer antolatu, jai eguna baita.