Gipuzkoako Ikastolen Festa, kilometroak 2013, hurrengo igandean, urriaren 6an izango da Tolosan. Azken urteotako ohiturari jarraituz, Orioko Herri Ikastolak autobusa jarriko du hara joateko. Goizeko 09:00etan abiatuko da autobus geltokitik.
Joan nahi dutenek urriaren 3a baino lehen –osteguna– eman behar dute izena Ikastolako idazkaritzan, Lore burdindegian edo Uranga burdindegian eta txartelak 6,5 euro balioko du. DBH 2. mailatik beherakoek beraietaz arduratuko den nagusi baten izena eman beharko dute eta DBH 3. eta 4. mailakoek gurasoek sinatutako baimena –Ikastolako idazkaritzan eskuratu daitezke– eraman beharko dute Ikastolara.
Autobuserako behar adina jendek izena eman ezean, bertan behera geratuko litzateke.