Gaur, urriaren 24a, ostegunarekin hasiko da Orioko frontenis txapelketa. Aurten hamahiru bikote izango dira lehian ostiral arratsaldetan –lehen bi jardunaldiak ostegunarekin jokatuko dira, ostiralak jai egunak direlako–, tartean kanpotik etorritako bikote ugari: Hernanitik, Astigarragatik, Donostiatik, Azpeititik, Zarauztik…
Horren aurrean maila handia espero dute antolatzaileek. Hala, bi multzotan banatuta jokatuko dute: bat 7 bikotekoa eta bestea 6 bikotekoa. Lehenengo multzoan bikote bat gehiago dagoenez, multzo horretakoak izango dira lehen jardunaldian jokatuko dutenak.
Sanikolasak arte luzatuko da txapelketa, orduan jokatuko dira-eta finalak.
1. Jardunaldia
Igor Albizuri - Eñaut Bilbao VS Xabier Rekejo - Jon Ruiz
Josu Makazaga - Mikel Indo VS Asier Zabaleta - Jon Juaristi
Urko Indaberea - Manu Oliveira VS Xabi Arostegi - Joseba Manterola