Hamar gai izango dituzte mahai gainean datorren ostegunean, urriaren 31n, iluntzeko 20:00etan hasita egingo den udalbatzarrean.
Hauek izango dira aztertuko dituzten gaiak:
1.- Irakurri eta onartzea, egoki bada, udalbatzarraren 2013ko uztailaren 24ko eta urriaren 4ko ezohiko bilkuretako akten zirriborroak.
2.- Behin betiko onarpena ematea, egoki bada, Orioko Hiri Antolamendurako Plan Nagusiko Botaleku 19 Areako Hiri Antolamendurako Plan Bereziari.
3.- Onartzea, egoki bada, ordenantza fiskalen eta beren eranskinen aldaketa, eragina 2014ko urtarrilaren 1etik aurrera izango duena.
4.- Onartzea, egoki bada, Udalaren aurrekontu propioari dagokion 5/2013 zenbakidun kreditua aldatzeko espedientea; kreditu aldaketa kreditu transferentzien modalitatean egina dago.
5.- Onartzea, egoki bada, auto-taxi zerbitzuaren tarifa urbanoak 2014rako, 'Urola Kosta' izeneko erregimen bereziko eremuan.
6.- Adjudikatzea, egoki bada, Orioko arraunketako eta piraguismoko teknifikazio zentroaren aisialdi zerbitzuaren gestioaren kontzesioa adjudikatzeko lehiaketa.
7.- Onartzea, egoki bada, baldintza juridiko eta ekonomiko-administratiboen orria eta baldintza teknikoen orria, Karela kiroldegiaren kudeaketa integrala eta Arraunetxeren eta beste antzeko zerbitzu batzuen kudeaketa adjudikatzeko.
8.- Onartzea, egoki bada, Orioko gazteen aisialdiko lokalak arautzen dituen udal ordenantza.
9.- Indarrik gabe uztea, egoki bada, Orioko Udalak 2013ko otsailaren 5ean egindako ezohiko bilkuran hartutako erabakia, kontratazio publikoetako espedienteetan aplikatu beharreko hizkuntz irizpideak onartzen dituena.
10.- Eskariak eta galderak.