Orioko Topagune Berdeak, GoiEner energia berriztagarrien sorkuntza eta erosle kooperatibako Joanes Maizak hitzaldia eskainiko du gaur, azaroaren 13an, Orioko kultur etxean. Gaur egungo energia sistema eta irtenbideak: Kooperatiba energetikoak izenburupean, eredu energetiko berri baterako bidean energia burujabetzak eta energia berriztagarriek duten garrantziaz arituko da Maiza 19:00etatik aurrera.
GoiEner, energia berriztagarrien sorkuntza eta erosle kooperatiba
Goiener, energia berriztagarrien sorkuntza eta erosle kooperatiba, irabazi asmorik gabeko kooperatiba da. GoiEner-en helburua hiritarrek energiarekiko kontrola berreskuratzea da, horren garrantziaz jabetzea, energiaren kontsumo arduratsu eta iraunkorra bultzatuz.
Edozein pertsona izan daiteke kooperatibako kide, gaur egungo eredu energetikoa aldatu nahi badu eta %100 berriztagarria izango den eredua lortzeko lan egin nahi badu. Gaurko egunez, ia 762 bazkide dira GoiEnerren.