Urtero bezala, aurten ere Gabon Eguna kanta-kantari esnatuko dute Orioko ume, gazte eta helduek. 10:45ean Ikastola aurreko plazatik abiatuta, euskal jantziak soinean, herriari buelta emango diote Orioko Herri Ikastolako eta Zaragueta Herri Eskolako Haur Hezkuntzako eta Lehen Hezkuntzako ume, gazte eta helduek. Danbolin musika eskolako txistu eta trikiti doinuez eta panpinezko Olentzeroz lagunduta, goxo-goxo, alai-alai agurtuko dute egun berezia. Zaraguetako Derrigorrezko Bigarren Hezkuntzako aurreneko promoziokoek, berriz, dirua biltzeko maindirea eramango dute.
Orioko Herri Ikastolako DBHko gazteak goizoxeago ibiliko dira baserri inguruak ahots doinuz janzten.