Gabon festa oparoak izan dira gurean pilotarientzat. Lehenik eta behin, larruzko paleta kategoriako Gipuzkoako Txapelketa irabazi zuen Tibur Etxeberriak, Añorgakokide bat lagun zuela, abenduaren 28an. Real Sociedad taldearekin aritu dira Etxeberria eta Eskisabel txapelketa honetan eta azken partidan 35-28 gailendu zitzaizkien usurbildarrei (Usabiaga-Arruti) haiek baino finago ibilita.
Horrez gain, gomazko paletako Gipuzkoako Txapelketa irabazi zuten egun berean June Aldaik eta Garazi Eizmendik, Tolosako Beotibar frontoian jokatutako partidan kontrarioei aurre hartuta. 30 eta 22ko emaitzarekin, merezita jantzi zuten txapela aiar gazteek. Bigarren postuarekin konformatu behar izan zuten Anoetako Su berri taldeko kideek.