Baigorriko Jean Pugeot, Donibane Garaziko Zitadela eta Hendaiako Irandatz kolegioetako ikasleek kontzertu berezia eskaini zuten Tolosako Leidor antzokian 2013ko apirilean. Denise Olhagaray-ren gidaritzapean, Benito Lertxundiren abestiak kantatu zituzten bertan, Laskuraingo ikastolako gazteak, Zegamako Orkatz Txiki abesbatzako haurrak eta Gasteizeko Crescendo abesbatzako gazteak lagun zituztela. Bertan izan zen Benito Lertxundi bera ere, erabat hunkituta, bere abestiak belaunaldiz belaunaldi igaro eta gaur egungo gazteen ahotsetan entzunda.
Kanaldude herri telebistak 2014. urte hasieran egin du publiko orduan Lertxundi oinarri hartuta egindako saio berezia.