Txertatu Merkatuan programa

Erabiltzailearen aurpegia Urola Kostako Udal Elkartea 2016ko uzt. 7a, 08:29

Uztailaren 8an aurkeztuko dute Txertatu Merkatuan programa, Zarautzen. Igor Iturain Udal Elkarteko lehendakariak, Vanessa Garcia Udal Elkarteko teknikariak eta Udal Elkarteko udaletako ordezkariak hartuko dute parte aurkezpenean.

Zer da TXERTATU MERKATUAN proiektua?

16-29 urte bitarteko gazte langabeentzat da eta laneratzen eta gizarteratzen laguntzeko aukera eskainiko die. 

Txertatu Merkatuan proiektua Euskal Autonomia Erkidegoko 2014-2020ko Gazte Enplegurako Programa Operatiboan kokatzen da eta Europako Gizarte Funtsak finantzatzen du % 91.89an, Garapen elkartearen eta eskualde-garapeneko 19 agentziaren parte-hartzearekin eta Eusko Jaurlaritzaren lankidetzarekin. Gure eskualdean Urola Kostako Udal Elkarteak bideratu eta kudeatuko du programa.

 

Hartzaileak 

Hartzaileak Aia, Getaria, Orio, Zarautz eta Zumaiako 16-29 urte bitarteko gazte langabeak dira (gutxienez urtebete langabezian), gutxienez erdi mailako lanbide heziketako ikasketak dituztenak. Halaber, unibertsitate-ikasketak utzita, lanik gabe dauden eta hezkuntza- edo prestakuntza-sistemetan integratuta ez dauden pertsonei ere zuzentzen zaie programa hau.

Helburua da gaitasun sozioprofesionalak lantzea eta marketing digitalean prestakuntza jaso eta proiektuak lantzea, horren guztiaren bidez laneratzeko aukerak hobetzeko.

Gizartea Aia Orio

Orio Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide