Matrikulazio kanpainako azken txanpara iristen ari dira AEKn. Dagoeneko hainbat talde osatuta daude, baina, oraindik leku gutxi batzuk geratzen dira. Izena eman nahi dutenek asteazken arratsaldean (16:30-19:30) eta ostegun goizean (10:00-13:00) euskaltegitik pasa beharko dute, edo 670 42 00 25 telefonora deitu. Ikastaro guztien prezioa 100 eurokoa da orion erroldatuta daudenentzat.
Orain hutsik dauden gela horiek laster ikaslez gainezka egongo dira. Aurten, gainera, lehen aldiz, Orion C2 taldea osatzeko ahalegin berezia egin dute. Euskara ikasi edo hobetu nahi duen orok, aurten ere, lekua izango du Orioko AEKn.