UKUEtik azaldu dutenez, eskualdean gaika biltzen diren hondakinen birziklapen datuak "onak" diren arren, -% 68,31-, bada oraindik hondakinak edukiontzi okerrera botatzeko joera eta zenbait hondakin, esaterako, etxetresnak edo bolumen handiko hondakinak ordu, egun eta kokapen okerrean ere utzi ohi dira sarritan.
Hori horrela, Ingurumen Sailak kanpaina berria jarri du martxan Hondakin bakoitza dagokion lekuan, lelopean. Helburu du, "edukiontzien erabilera zuzena bultatzea eta gaika modu egokian birziklatzeko hondakin bakoitza bere lekuan botatzearen garrantziaren inguruan herritarrak sentsibilizatu eta kontzientziatzea".
Kanpainaren baitan, hondakinak biltzeko hiru kamioi errotulatu dira edukiontzien erabilera egoki hori bultzatzeko mezuekin. Horrez gain, hainbat bideo labur ere ekoiztu dira, sare sozialetan zabaltzeko: Instagram: @ukueingurumena ; Facebook: UKUE ingurumena.
Bideo horietan, egoera desberdinak irudikatzen dira, esate baterako, organiko edo errefusaren edukiontziak zabaltzeko okerreko txartelaren erabilera, zabor poltsa beltzak edukiontzien kanpoan edo lurrean uztea, edukiontzi bakoitzean dagokion hondakinak ez botatzea, kartoia tolestu gabe edota lurrean uztea edota bolumen handiko hondakinak ordu eta egun desegokian botatzea.
Bide batez UKUEk ohar bidez gogorazi du ondorengoak direla eskualdeko bost udalerrietan bolumen
handiko hondakinak botatzeko egun eta ordu zuzenak:
- Aia: astelehena, 20:00-22:00
- Getaria: astelehena, 20:00-22:00
- Orio: asteartea, 20:00-22:00
- Zarautz: asteazkena, 20:00-22:00
- Zumaia: osteguna, 20:00-22:00