Ohi bezala, Osasun Sailak astelehenarekin batera eman ditu argitara koronabirusaren herriz herriko datuak. Informazio ofizialaren arabera, Orion eta Aian hiruna lagun jo ditu COVID-19 gaitzak ostiraletik gaurdaino.
Arabako, Bizkaiko eta Gipuzkoako datuei dagokionez, guztira, 453 kasu positibo zenbatu dituzte azken 24 orduetan: 246 Bizkaian, 140 Gipuzkoan eta 43 Araban. Gaur gaurkoz, hiru lurraldeetan 211 lagun daude ospitaleratuta; horietatik 27, ZIUn.