Hasiberriak dira lur gaineko rallyetan, baina esperientziadunak dirudite. Ezustekoa eman dute aurten txapelketan, dagoeneko lehiaketa bat baino gehiago irabazi baitute Olasagastik eta Eizmendik. Azkena asteburu honetan, Rally e Terras do Mandeo lehiaketan.
Gr.N kategorian txapeldun izendatu da bikotea. Sailkapen orokorrean laugarren egin zuten asteburuan; eta, gauzak honela, hirugarren postuan kokatzen dira sailkapenean. Emaitza horiek lortuta eskerrak eman zizkien Gorka Eizmendik ametsa egi bihurtzen laguntzen dieten guztiei: babesleei, gurasoei, beti alboan duen Olasagastiri, Portu eta Ruben mekanikoei eta animoak bidaltzen dizkieten guztiei.