Aian erregeak etorri baino egun bat lehenago jasoko dituzte haurren eskutitzak. Horretarako Meltxor erregearen laguntzailea joango da herriko plazara, 19:30ak inguruan. Laguntzailea joan baino lehen dantzaldia izango da, DJ Arosekin. Eta, horrez gain, guraso elkartearen aldeko zozketa ere egingo da.
Orion erregeen kabalgataren egun berean etorriko da erregeen karterua. Goizean goiz iritsiko da Oriora, 11:00etan, eta Bizarzuri kalez kale ibiliko da gutunak jasotzen. Eguerdian plazara iritsiko da.