Zarauzko AEK-k San Tomas azoka antolatuko du datorren abenduaren 19an. Euskara eta euskal produktuen sustapenari begira antolatzen duen azoka da. Urtero antolatzen du, eta, aurtengoa, 20. aldia izango da. Urteurren guztiak bezala, hortaz, berezia izango da.
Oraingoan ere eskualdeko artisau eta baserritarrei gonbita egin nahi dio AEKk, bertan parte hartzeko. Oriotarrek eta aiarrek ere parte hartzea gustatuko litzaieke antolatzaileei. Horretarako, Orioko AEKra deitu beharko dute -670420025– edo hurrengo helbidera idatzi –orio@aek.org–. Abenduaren 4a baino lehen eman behar da izena.