Urola Kostako Udal Elkarteak Oxigas eta Mig-Mag soldadurako ikastaroa antolatu du. Urrian hasi eta 570 orduko iraupena izango du ikastaroak, maiatzera arte. Zumaiako Soldadura Zentroan emango dira eskolak eta, Udal Elkarteak Lanbideren diru-laguntza duenez, doakoa izango da.
Oxigas eta Mig-Mag soldadura, planoen irakurketa, tailerreko teknologia... izango dira edukiak. Aurrez aurrekoa eta oso praktikoa izango da ikastaroa. Gaztelaniaz emango dute. Astelehenetik ostiralera, 14:00etatik 19:00etara emango dute ikastaroa.
Ikastaroaren amaieran praktikak egingo dituzte ikasleek, Profesionaltasun Ziurtagiria lortzeko.
Izen-ematea Lanbideren Zarauzko Bulegoan edo www.lanbide.net webgunean egin behar da uztalaren 13tik aurrera. Ikastaroa egiteko bete beharreko baldintzak hemen daude. Urola Kostako Enplegu Zentroan izen-ematea egiteko laguntza eskainiko dute.