Goizean goizetik hasi, hautesontziak itxi eta emaitzak argitaratzeraino. Zuzeneko jarraipena egingo dugu igandean, hauteslekuak irekitzen direnetik emaitza ofizialak izan arte. Karkara.eus atari digitalean eguneratuko dugu informazioa, etenik gabe.
Informazio hori sare sozialetan ere zabalduko dugu, Orion #m24Orio eta Aian #m24Aia traolak erabilita. Zuen parte hartzea eta interakzioa eskertuko genuke traola horiek erabilita txiokatuz. Udal eta batzar nagusietako hauteskundeen informazioa, datuak, grafikoak, argazkiak... guztiak bilduko ditugu bai traola horietan, bai karkara.eus webgunean.