2013ko datuak berdindu dituzte Aiako eta Orioko Udalek. Duela bi urte zorrik gabe amaitu zuten urtea, baita iaz ere. Zorpetze mailan izan daitezkeen datu hoberenak ditu bai Aiak, bai Oriok.
Alkiza, Altzaga, Altzo, Arama, Ezkio-Itsaso, Hondarribia, Ibarra, Irura, Leintz-Gatzaga, Orexa eta Zegama dira egoera berean dauden Gipuzkoako udalerriak. Dena den, 2014 urtean Villabona izan da zor kopurua handitu duen herri bakarra Gipuzkoan. Gainontzeko 74 udalerriek zorrak jaistea lortu dute.
Gipuzkoan, oro har, %10 gutxitu dira Udaletako zorrak, 4,6 milioi. Gipuzkoar bakoitzak 526 euroko zorra du, bataz beste; 2014ean baino 62 gutxiago eta 2010ean baino 169 gutxiago.
Oriok eta Aiak, halaber, ez dute zorra gutxitu behar izan. Pasa den urtean 0 zor izan zituzten eta aurten kopuru hori errepikatu da.