2014-2015 denboraldiko Emakumea Pilotari txapelketa abian da urriaren 31 geroztik. Jardunaldi bakoitza Gipuzkoako herri batean izango da, eta larunbat honetan, Orio izan da txapelketaren lekuko.
Beldarrain eta Aldaik elkarren kontrako partida batekin ireki zuten jaialdia. Lehen partida honen atzetik beste bost etorri ziren. Indo eta Eizmendi ere parez pare aritu ziren, laugarren partidan batak bestearen kontra jokatu baitzuen.
Bi mailatan ari dira jokatzen txapelketa: sei bikote lehenengo mailan eta zazpi bigarrenean. Guztira, 13 bikote. Beldarrain, Aldai, Indo eta Eizmendi bigarren mailan daude, eta ondorengo bikotekideak dituzte: Beldarrainek Arruti, Aldaik Maiza, Indok Errasti eta Eizmendik Gutierrez.
Azaroaren 8an Aiako pilotalekuan jokatu zituzten partidak; asteburu honetan, Orion izan da jaialdia. Hiru jardunaldi falta dira finalerdietarako. Finalaurrekoak Tolosan izango dira, abenduaren 20an; finala, abenduaren 27an izango da, Hernanin.
Lehiaketa sistemari dagokionez, ligaxka amaituta sailkapeneko lehen postua duten bikoteek finalerako txartela zuzenean lortuko dute. Bigarren eta hirugarren sailkatuek finalerdiak jokatuko dituzte, eta, partida horretako irabazleak sailkatuko da finalera.