Nafarroako Erriberan euskara eta bertako produktuen kontsumoa sustatu nahi dituen ekimena da Errigora. Nafarroa hegoaldeko produktuez osatutako saskiak saltzen dituzte 50 euroren truke. Erriberako ekoizleei bultzada emateko sortu dira saskiak, eta baita eremu horretako euskalgintza laguntzeko ere, bitartekaritza diruak euskararen alde egiteko erabiliko baitira.
Bihar, azaroaren 12a, da saski horiek erosteko azken eguna. Euskal Herri osoan 650 eskaera puntu jarri dituzte; Aian, Lardizabal eskolan eskatu daitezke saskiak eta Orion, Lore burdindegian eta Ikastolan.