San Pedro festak ospatuko dituzte Orion ekainaren 26tik 30era, eta Arrantzale Eguneko egitarauaren barruan, herri bazkaria egingo da ekainaren 27an, Herriko Plazan. Bazkaritarako txartelak bihar, hilak 10, jarriko dituzte salgai Turismo Bulegoan, 17:00etatik aurrera. Pertsonako bost txartel erosteko aukera izango da, gehienez.
Hori horrela, herritarrek hiru menu izango dituzte aukeran:
- Lehen menua: Entsalada mistoa, baserriko oilaskoa parrilan, txerri saiheskiak parrillan eta pasteltxo dastaketa, ogia, kafea eta edaria, 21 euroan.
- Bigarren menua: Entsalada mistoa, barazki menestra, lasagna beganoa eta fruta, ogia, kafea eta edaria, 21 euroan.
- Haurrentzako menua: Iberikoak, urdaiazpiko kroketak, baserriko oilaskoa parrillan patatekin eta helatua, ogia, kafea eta edaria, 14 euroan.